ERADA
REVISTA D’HISTORIA CONTEMPORÁNEA D’ASTURIES
EDICIONES TRABE vien de publicar la primer revista que de manera monográfica recueye y divulga estudios d’investigación centraos na dómina contemporánea de la nuestra comunidá.
Acullá de cubrir un vaciu editorial, esta publicación tien la fin de facer llegar a la población asturiana trabayos que d’otra manera nun saldríen fuera de les paredes de la Universidá d’Uviéu. Dende les páxines d’ERADA va facese por dar pasu a nuevos investigadores mesmo que por potenciar y afalar l’estudiu de la nuestra historia.
A la contra d’otres publicaciones hermétiques, ERADA nun va desenvolver censures nin ideolóxiques nin llingüístiques, abriendo les sos páxines a tolos investigadores que cumplan unos mínimos de rigorosidá metodolóxica, penriba que faigan parte de la oficialidá académica o non y de la tenencia historiográfica que sigan.
El primer númberu pue entendese como una muestra plural de lo que se quier con esta revista. Nél recuéyense artículos sobre’l 25 de Mayu del 1808, tocante’l republicanismu decimonónicu o respecto de distintes maneres de resistencia nel ámbitu del trabayu demientres del Franquismu, recúperense documentos históricos y inclúinse reseñes crítiques sobre distintos llibros venceyaos a la temática de la revista: la historia contemporánea d’Asturies.
sábado, 1 de diciembre de 2007
1u MAYU: TRADICIÓN, RITUAL Y SÍMBOLU
Un cientu d’años depués de que se celebrara ún de los actos más señalaos de lo que va dar en ser el ritual obreru de más sonadía y que más puxu foi a llograr na historia contemporánea, Eduardo Galeano espublizaba El llibru de los abrazos, onde inclúi dellos de relatos alredor de la desmemoria colectiva. Nún d’ellos, l’autor uruguayu amosabásenos ablucáu por mor de que nuna ciudá de Chicago enllena de fábriques y d’obreros el 1u Mayu fuere un día cualquiera y qu’hasta nun sitiu tan señaláu como’l barriu de Heymarket nun hubiere referencia nenguna a Spies, Fielden, Neebe, Fisher, Schwab, Lingg, Engel y Parson. Sicasí, naquel 1989 nuna Asturies que carecía’l desmantelamientu entamáu polos nacionalistes del PSOE, miles de persones salíen a les cais nun 1u Mayu onde, sacante delles de decenes de persones, tampoco nun había alcordanza nenguna pa lo que fae a aquellos obreros colgaos en Heymarket de resultes d’un montaxe desenvueltu en ficies de reprimir l’acción reivindicativa de los trabayadores, nun llonxanu 1886. A éstes, entrambos los dos fenómenos (el plasmu del escritor de Montevideo y l’escaezu interesáu de determinaos sectores n’Asturies) quiciás namás puedan ser a entendese si reparamos en que, cuando pa Galeano cuando pa delles facciones sindicalistes, el 1u Mayu nun ye sinón un símbolu pura y esclusivamente ideo-lóxicu (al dicir de la terminoloxía marxiana). Sía como quier, nun ye tiempu d’adelantar conclusio-nes.
Invención de la tradición (otra vuelta)
Acordies colos plantiamientos del historiador Eric Hobsbawm, l’estudiu de cualquier proce-su d’invención de la tradición fáise necesariu por demás en cuantes que les tradiciones inventaes son síntomes o buelgues de problemes y desenrollos que d’otra manera tendríemos bien d’estorvises a la d’identificalos y datalos. Al empar, el fechu de que’l so estudiu nun pueda separtase del analís xeneral de la sociedá fae qu’ello apareye l’afondar nes rellaciones humanes pa col pasa y, poro, lo que constitúi materia y trabayu del historiador. Ello ye que toles tradiciones inventaes faen por em-plegar la Historia como lexitimadora de l’acción y base de la cohexón del grupu; asina les coses, nun ha cayer embaxo la dimensión del llabor del historiador cuidao que tolos historiadores, ensin escepción nenguna y pencima de los que sean los sos oxetivos, faen parte d’esti procesu en cuantes que contribúin (otro ye l’índiz de consciencia a la de facelo) a la creación, desfaimientu y reestruc-turación de toes eses imáxenes y representaciones del pasáu que, primero que nada, faen parte del espaciu públicu del ser humanu en cuantes que ser políticu.
El 1u Mayu, la única mozcadura qu’un movimientu secular fizo en cualquier de los calenda-rios oficiales esistentes, alcuéntrase, talo qu’otros rituales obreros, ente les tradiciones polítiques (por mor de tar venceyáu a organizaciones de mases que facíen por dar en nuevos modelos de so-ciedá) mesmo que nes tradiciones sociales (cuidao que yera espresión pural de la conciencia de los trabayadores en cuantes que clase autónoma). Sicasí, l’aspectu a sorrayar desta ye’l de ser una tra-dición inventada.
A la de sorrayar el calter de tradición inventada del 1u Mayu nun faigo otro que desenrollar un siguidismu puru respecto de cuestiones apuntaes pol historiador inglés en delles de les sos obres. Coles mesmes, y reproduciendo ce por be la terminoloxía desenvuelta por Hobsbawm, ha entendese por invención de la tradición un procesu de formalización y ritualización que ye a producise en cualquier tipu de sociedá faciendo usu o non de materiales vieyos, inventando nueves concepciones y llinguaxes o enanchando cuando lo semántico cuando lo simbólico del vieyu palabreru. La tradi-ción, que nun ha tracamundiase de nenguna de les maneres cola costume, por mor de que la so fin ye la de la invariabilidá y la repetición al encruz de práctiques fixes y formalizaes (lo que fae que puedan estremase a les clares cuidao que la costume nun puede ser invariable porque la vida nun ye asina), apareya la esistencia y funcionamientu d’unes práctiques que se manden de regles mas me-nos aceptaes y con un calter ritual y simbólicu, que van a la busca de perpasar les llendes afitaes mesmo que de trescalar deteminaes pautes de comportamientu per aciu de la repetición, de resultes de la que va crease della continuidá col pasáu.
Nun ha cayer en sucu baxeru que les tradiciones inventaes puen cincar planos estremaos como l’afitar o simbolizar cohexón social o pertenencia al grupu (bien sían comunidades reales bien sían artificiales); afitar o lexitimar instituciones, estatus, roles o rellaciones d’autoridá; o socializar y trescalar creencies, sistemes de valores o convenciones venceyaes al comportamientu. Vamos ver a nun tardar como rescamplen estes cuestiones n’analizando la historia y funcionamientu del 1u Mayu
Nel empiezu, el control del cuerpu.
Ún, que tovía se manda de los plantiamientos de la modernidá, cuenta qu’en dél grau ye lóxico que nel raigón de lo que va constituyir el 1u Mayu tea la llucha pol control del cuerpu. Nuna sociedá contemporánea onde’l conflictu ye la clave del so funcionamientu y onde les persones son mercancía (más nada) y la so posición respecto de la marxinalidá social mídese pola “posesión” d’un trabayu asalariáu, el ritual obreru más ambicioso nun podía quedar al marxe.
A éstes, la mengua de la xornada de trabayu ye un oxetivu bien claru dende los entamos del movimientu obreru. Ye cierto qu’antes hubiere reflexones alredor de la necesidá d’empequenar l’horariu de trabayu: por casu, Tomás Moro n’Utopía defendía la regulación del horariu del trabayu y de la mesma comunicaba a les cabeces pensantes de la Europa Occidental que los utopianos tra-bayaben seis hores per día. Pero va ser la llucha pola xornada d’ocho hores entamada polos grupos de trabayadores organizaos la que va dar nel 1u Mayu.
Sía que non, nun ha cayer embaxo que tamos énte una tradición inventada y reivindicada al empar por sectores estremaos por demás. Ello fae qu’unos y otros usen feches distintes a la de datar l’aniciu del 1u Mayu. Si darréu fixérase una encuesta tendríemos ente posibles rempuestes les dates del 1886, el 1889 o’l 1891, o, quiciabes, un mecigayu chocante de los elementos comunes qu’arrodien a toes trés.
Con eso, la data del 1886 reivindicada antaño y anguaño poles distintes cañes llibertaries fá-lanos d’una llucha que perpasa les llendes curties del eurocentrismu. 1886 foi l’añu en que foron colgaos dellos anarquistes (los más d’orixe alemán y dellos xudíos) a resultes de carecer un mon-taxe entamáu polos aparatos de poder de la república estadounidense, tres de los socedíos de violen-cia que van producise en Chicago por mor de la represión descomonada contra les manifestaciones pacífiques que pidíen la xornada d’ocho hores. Ello ye que’l 1886 dio en ser la fecha de la incomo-didá, cuando pola so carga reivindicativa (no tocante al plantiamientu festivu de los sectores socia-listes) cuando pol predominiu anarquista de los que bien ceo van ser conocíos como los Mártires de Chicago. Sía como quier, la represión nun foi a parar la llucha obrera y d’aende que fueran encade-nándose les xornaes pol llogru d’un nuevu horariu llaboral.
Asina les coses, nel 1889 la Internacional nun congresu celebráu en París alcuerda’l deter-mín d’entamar una manifestación que tendría que se desenrollar al empar en tol mundu cola fin de pidir la llegalización de la xornada d’ocho hores, y la escoyeta del 1u Mayu como data pa tala mani-festación esplícase pol aquél de casar na movilización colos trabayadores norteamericanos que yá decidieran entamar en tala fecha actos reivindicativos. Sicasí, no tocante a esta propuesta ye menes-ter sorrayar que de mano nun había aquél de venceyar a la manifestación folixa nenguna (la única suxerencia yera la de desenrollar la manifestación del xeitu más afayadizu en base a la realidá de cada país), tampoco nun esistía nengún elementu qu’afalare o suxeriase la repetición o la celebra-ción regular de la manifestación y nun hai datu dalu qu’amuese que daquella tala propuesta fuere un determín que tuviere della importancia. De fechu, naquel pos namás aprució la espirica de la que se discutió si diba facese güelga (cuidao que’l 1u Mayu del 1889 cayera de xueves), en cuantes que de-lles de les organizaciones obreres más fuertes y afitaes nun víen claro’l manifestase n’hores de tra-bayu y de la mesma arriesgase y esponer a los sos afiliaos por mor d’un xestu simbólicu. Sía como quier, foi’l fechu de parar el trabayu lo que fizo que’l 1u Mayu diera n’elementu central de la identi-dá de clase y de la construcción del movimientu obreru, yá que nun trabayar a costafecha nun yera otro que llibertá a la de controlar el cuerpu y coles mesmes, una ferramienta pal afitamientu del po-der obreru.
Con too y con eso, hai que reparar que l’éxitu d’esa manifestación en bien de países de la Europa occidental foi lo qu’afaló a la repetición de la manifestación y tampoco nun hai qu’escaecer que tala participación pública masiva casó nel tiempu col espertar, crecimientu y espardimientu del movimientu obreru. Momentos d’anovación y esperanza que casaben cola celebración de la prima-vera, estación d’anovación y esperanza.
Ello ye qu’alpenes un par d’años depués la Internacional alcuerda nun congresu celebráu en Bruxeles afitar la repetición añal del 1u Mayu, sorrayando que s’axuntare al oxetu reivindicativu la idea de fiesta y qu’en xunto cola propuesta de la xornada d’ocho hores diben amestase otres reivin-dicaciones más (casu del funcionamientu de lleis llaborales o la oposición a la guerra conseña que nun llegó integrase dafechu na traditio). Entóncenes va producise l’enfrentamientu colos anarquis-tes, que van refugar el conceptu de fiesta obrera por mor de causes ideolóxiques; ficieron por facer del 1u Mayu una conmemoración de los Mártires de Chicago y data dende la que facer el llamáu (o emprimar) la güelga xeneral. A éses, a naide se-y escapa la posibilidá de que los dirixentes de la II Internacional afalaran a la treformación del 1u Mayu en fiesta col envís de nun apoyar les táctiques d’enfrentamientu social y en ficies d’enanchar la so base social. Sía que non, 1891 ye’l momentu d’empiezu pa la construcción del ritual, qu’al cantu y al cabu ye lo más importante en cuantes qu’implica la esistencia d’un mecanismu de construcción d’un movimientu qu’enxertaba dientro de la noción de clase a persones d’estremada edá y sexu.
La construcción d’un ritual
El 1u Mayu nun ye un ritu de pasu, ye un ritual. Abúltame necesario nun reproducir enqui-vocos terminolóxicos a la definir el 1u Mayu. Ello ye que nun pue ser enxertáu nos ritos de pasu nin al través del emplegu del conceptu propuestu por Arnold Van Gennep (onde los ritos de pasu nun son sinón ritos vitales de gran trescendencia social qu’espeyen los tránsitos ente distintes dómines de la vida), nin al encruz de conceptualizaciones d’autores como Marvin Harris que podríen face-mos pensar nel 1u Mayu de la que mentan que los ritos de pasu tienen implicaciones públiques en cuantes que reconocimientu comunitariu de nueves (o remocicaes) rellaciones per aciu del desenro-llu d’actividaes físiques y simbóliques onde los actores que participen van ser separtaos de les ruti-nes respectives.
Con too y con ello, el 1u Mayu ye un ritual formuláu en base a un marcu de referencia que nun ye sinón el de la clase (o nun sentíu más ampliu, el del proletariáu). Ritual onde coexisten rella-ciones actives, militantes y de pertenencia al grupu, onde toos van tener del protagonismu, onde la organización del ritual tien na so base la dimensión grupal, los espacios de sociabilidá y les redes d’afinidá formales y informales, onde les práctiques inventaes van tener el so papel al traviés d’elementos como la naturaleza de los valores, los derechos y les obligaciones de la pertenencia al grupu; y onde va producise una separtación no tocante al espaciu (bien xeográficu bien simbólicu) y no que fae al tiempu ordinariu. Pa detrás, el ritual algama l’éxitu en creando efectos de xuntura, fa-ciendo usu de les redes sociales como base de la organización (lo que va ser imprescindible pa que’l roceanu al eventu pueda vese presionáu socialmente), desque trescala’l tiempu onde ún vive somor-guiáu, dende la institucionalización del conxuntu de fenómenos enxertaos nelli y por facer creer a quien participen nél que s’alcuentren dientro de los márxenes de lo real.
Ello esplícanos que la busca de particularidaes nacionales sía, como ye vezu, dalgo fato. Se-gún reparemos nun 1u Mayu celebráu en Valencia, Asturies o Berlín, vamos ver cómo atopamos más semeyances que diferencies (que les más de les veces respuenden al predominiu de dalguna de les cañes del movimientu obreru). L’esquema repítese una y otra vuelta: el desfile de los obreros como clase dio en ser el nucleu del ritual (masque les manifestaciones gayoleres del 1u Mayu nun s’asemeyaben pa nada a les clásiques manifestaciones obreres); conseñes, reivindiciones, discursos, y los socialistes llevando hasta la respectiva Casa del Conceyu un llistáu con piticiones y propues-tes; de tarde, les xires y les concentraciones nel extrarradiu de los nucleos de población perfacíen el momentu más masivu del día en cuantes que yá nun yeren les decenes o cientos de miembros del movimientu los de participar n’esclusiva sinón qu’intervenía’l conxuntu de la clase con, sí, muncha sidra, comida, música y folixa, pero ensin desdexar l’amuesa d’arguyu pol so autodominiu y pola so capacidá de llucha y unión al encruz de la organización; y p’acabar, al atapecer, velades lliterario-musicales nos respectivos centros obreros.
Un ritual que facía por ocupar espacios que la cotidianiedá negaba a los trabayadores (El Comercio a primeros del sieglu XX conseñaba cásique escandalizáu’l pasu de los obreros por un espaciu prototípicamente burgués como la cai Corrida), anque namás fuere por un día y non siem-pre, cuidao que demientres bien d’años n’estaos como’l Reinu d’España los gobiernos obligaron a desenvolver actos como mítinos o velaes n’espacios zarraos. Pero’l ritual algamó l’éxitu al llograr visibilidá pa quien yeren invisibles en cuantes qu’una montonera d’obreros anónimos, desdexando llendes nacionales o profesionales, foron quien a reconocese na mesma clase al encruz d’un fechu señaláu como yera abandonar una vuelta al añu ensin permisu dalu la obligación económica, políti-ca y moral de trabayar. Una vuelta al añu teníen (a lo menos, ellos) el control del so cuerpu.
Sicasí, non menos secundariu ye pa la construcción del ritual el desenvolvimientu d’un conxuntu d’elementos venceyaos a elli n’esclusiva. Coles mesmes, desenvolvióse tou un llinguaxe simbólicu y icoográficu onde rescamplen elementos venceyaos a la primavera y a la mocedá: por casu, nel 1915 les moces de l’agrupación socialista de Mieres vendíen claveles coloraos a los asis-tentes a la manifestación, dalgo qu’al empar producíase en tantos de sitios del mundu; les agrupa-ciones obreres preparaben con ciñu ediciones especiales de los sos periódicos (y si nel periódicu xixonés Fraternidad incluyíense fotos y testos de los Mártires de Chicago nel 1901, na edición del socialista La Aurora Social reproducíense collaboraciones de profesores universitarios como Buy-lla, Posada o Clarín); y surdió una producción artística centrada nos motivos del 1u Mayu (casu de los himnos, que como’l del zapateru asturianista Manuel Paredes ficiéronse arrémente pa celebrar día tan señaláu).
Y dio en símbolu
L’ésitu na construcción del ritual fae que nun llame que’l 1u Mayu diera en ser un símbolu pural que col correr de los años va ser atacáu pero tamién codiciáu dende estremaos gobiernos y dende un mesmu poder. El fechu de que’l 1u Mayu nun fuere sinón una autopresentación regular y pública d’una clase mesmo qu’un afitamientu de poder y una conquista simbólica na so ocupación del espa-ciu social del Sistema esplícanos talo.
Asina les coses, el 1u Mayu foi prohibíu na Italia de Mussolini, na Austria de Dollfus, nel Xapón imperial y nos empiezos del franquismu (anque la represión nel Reinu d’España ha retrotra-yese a los tiempos de la Restauración). Pero rexímenes como’l de Vich en Francia, el de Hitler n’Alemania (que nel 1933 declarábalu Xornada Nacional del Trabayu) o gobiernos como’l del anti-comunista Eisenhower (que nel 1958 declara esti día como Día de la Llealtá Nacional) o la intro-ducción pol Vaticanu de la festividá de San Xosé Obreru nel calendariu católicu nel 1955, siendo Papa Pío XII (y darréu d’ello, lo mesmo va facer l’estáu franquista) ficieron per apropiase d’esti día. Too ello fala a les clares de la fuerza y potencial del 1u Mayu.
Sicasí, el que’l 1u Mayu diera en símbolu, onde la fiesta yera l’aspectu más señaláu (en sitios como Madrid les families diben directamente a la Casa de Campo ensin participar nes actividaes del día) y onde la ideoloxía va ocupar más espaciu que la llucha material, espliquen en della midida’l declive progresivu del ritual. Anguaño nun sitiu como Asturies tan siquier ye una fiesta de la clase obrera, sinón una fiesta gubernamental nuna dómina onde vuelven al primer planu del trabayu les xornaes llaborales abusives (por nun mentar la rente que tuvo trabayando esi día) y onde la izquier-da tan siquier ye a axuntar a los sos fieles y nun tien intención nenguna d’abandonar fiesta y ideolo-xía (representada pola ambigüedá de los derechos y polos símbolos vacios). El 1u Mayu namás va ser lo que foi si la llucha material pol control del cuerpu vuelve a ocupar el primer planu de les nuestres práctiques.
Invención de la tradición (otra vuelta)
Acordies colos plantiamientos del historiador Eric Hobsbawm, l’estudiu de cualquier proce-su d’invención de la tradición fáise necesariu por demás en cuantes que les tradiciones inventaes son síntomes o buelgues de problemes y desenrollos que d’otra manera tendríemos bien d’estorvises a la d’identificalos y datalos. Al empar, el fechu de que’l so estudiu nun pueda separtase del analís xeneral de la sociedá fae qu’ello apareye l’afondar nes rellaciones humanes pa col pasa y, poro, lo que constitúi materia y trabayu del historiador. Ello ye que toles tradiciones inventaes faen por em-plegar la Historia como lexitimadora de l’acción y base de la cohexón del grupu; asina les coses, nun ha cayer embaxo la dimensión del llabor del historiador cuidao que tolos historiadores, ensin escepción nenguna y pencima de los que sean los sos oxetivos, faen parte d’esti procesu en cuantes que contribúin (otro ye l’índiz de consciencia a la de facelo) a la creación, desfaimientu y reestruc-turación de toes eses imáxenes y representaciones del pasáu que, primero que nada, faen parte del espaciu públicu del ser humanu en cuantes que ser políticu.
El 1u Mayu, la única mozcadura qu’un movimientu secular fizo en cualquier de los calenda-rios oficiales esistentes, alcuéntrase, talo qu’otros rituales obreros, ente les tradiciones polítiques (por mor de tar venceyáu a organizaciones de mases que facíen por dar en nuevos modelos de so-ciedá) mesmo que nes tradiciones sociales (cuidao que yera espresión pural de la conciencia de los trabayadores en cuantes que clase autónoma). Sicasí, l’aspectu a sorrayar desta ye’l de ser una tra-dición inventada.
A la de sorrayar el calter de tradición inventada del 1u Mayu nun faigo otro que desenrollar un siguidismu puru respecto de cuestiones apuntaes pol historiador inglés en delles de les sos obres. Coles mesmes, y reproduciendo ce por be la terminoloxía desenvuelta por Hobsbawm, ha entendese por invención de la tradición un procesu de formalización y ritualización que ye a producise en cualquier tipu de sociedá faciendo usu o non de materiales vieyos, inventando nueves concepciones y llinguaxes o enanchando cuando lo semántico cuando lo simbólico del vieyu palabreru. La tradi-ción, que nun ha tracamundiase de nenguna de les maneres cola costume, por mor de que la so fin ye la de la invariabilidá y la repetición al encruz de práctiques fixes y formalizaes (lo que fae que puedan estremase a les clares cuidao que la costume nun puede ser invariable porque la vida nun ye asina), apareya la esistencia y funcionamientu d’unes práctiques que se manden de regles mas me-nos aceptaes y con un calter ritual y simbólicu, que van a la busca de perpasar les llendes afitaes mesmo que de trescalar deteminaes pautes de comportamientu per aciu de la repetición, de resultes de la que va crease della continuidá col pasáu.
Nun ha cayer en sucu baxeru que les tradiciones inventaes puen cincar planos estremaos como l’afitar o simbolizar cohexón social o pertenencia al grupu (bien sían comunidades reales bien sían artificiales); afitar o lexitimar instituciones, estatus, roles o rellaciones d’autoridá; o socializar y trescalar creencies, sistemes de valores o convenciones venceyaes al comportamientu. Vamos ver a nun tardar como rescamplen estes cuestiones n’analizando la historia y funcionamientu del 1u Mayu
Nel empiezu, el control del cuerpu.
Ún, que tovía se manda de los plantiamientos de la modernidá, cuenta qu’en dél grau ye lóxico que nel raigón de lo que va constituyir el 1u Mayu tea la llucha pol control del cuerpu. Nuna sociedá contemporánea onde’l conflictu ye la clave del so funcionamientu y onde les persones son mercancía (más nada) y la so posición respecto de la marxinalidá social mídese pola “posesión” d’un trabayu asalariáu, el ritual obreru más ambicioso nun podía quedar al marxe.
A éstes, la mengua de la xornada de trabayu ye un oxetivu bien claru dende los entamos del movimientu obreru. Ye cierto qu’antes hubiere reflexones alredor de la necesidá d’empequenar l’horariu de trabayu: por casu, Tomás Moro n’Utopía defendía la regulación del horariu del trabayu y de la mesma comunicaba a les cabeces pensantes de la Europa Occidental que los utopianos tra-bayaben seis hores per día. Pero va ser la llucha pola xornada d’ocho hores entamada polos grupos de trabayadores organizaos la que va dar nel 1u Mayu.
Sía que non, nun ha cayer embaxo que tamos énte una tradición inventada y reivindicada al empar por sectores estremaos por demás. Ello fae qu’unos y otros usen feches distintes a la de datar l’aniciu del 1u Mayu. Si darréu fixérase una encuesta tendríemos ente posibles rempuestes les dates del 1886, el 1889 o’l 1891, o, quiciabes, un mecigayu chocante de los elementos comunes qu’arrodien a toes trés.
Con eso, la data del 1886 reivindicada antaño y anguaño poles distintes cañes llibertaries fá-lanos d’una llucha que perpasa les llendes curties del eurocentrismu. 1886 foi l’añu en que foron colgaos dellos anarquistes (los más d’orixe alemán y dellos xudíos) a resultes de carecer un mon-taxe entamáu polos aparatos de poder de la república estadounidense, tres de los socedíos de violen-cia que van producise en Chicago por mor de la represión descomonada contra les manifestaciones pacífiques que pidíen la xornada d’ocho hores. Ello ye que’l 1886 dio en ser la fecha de la incomo-didá, cuando pola so carga reivindicativa (no tocante al plantiamientu festivu de los sectores socia-listes) cuando pol predominiu anarquista de los que bien ceo van ser conocíos como los Mártires de Chicago. Sía como quier, la represión nun foi a parar la llucha obrera y d’aende que fueran encade-nándose les xornaes pol llogru d’un nuevu horariu llaboral.
Asina les coses, nel 1889 la Internacional nun congresu celebráu en París alcuerda’l deter-mín d’entamar una manifestación que tendría que se desenrollar al empar en tol mundu cola fin de pidir la llegalización de la xornada d’ocho hores, y la escoyeta del 1u Mayu como data pa tala mani-festación esplícase pol aquél de casar na movilización colos trabayadores norteamericanos que yá decidieran entamar en tala fecha actos reivindicativos. Sicasí, no tocante a esta propuesta ye menes-ter sorrayar que de mano nun había aquél de venceyar a la manifestación folixa nenguna (la única suxerencia yera la de desenrollar la manifestación del xeitu más afayadizu en base a la realidá de cada país), tampoco nun esistía nengún elementu qu’afalare o suxeriase la repetición o la celebra-ción regular de la manifestación y nun hai datu dalu qu’amuese que daquella tala propuesta fuere un determín que tuviere della importancia. De fechu, naquel pos namás aprució la espirica de la que se discutió si diba facese güelga (cuidao que’l 1u Mayu del 1889 cayera de xueves), en cuantes que de-lles de les organizaciones obreres más fuertes y afitaes nun víen claro’l manifestase n’hores de tra-bayu y de la mesma arriesgase y esponer a los sos afiliaos por mor d’un xestu simbólicu. Sía como quier, foi’l fechu de parar el trabayu lo que fizo que’l 1u Mayu diera n’elementu central de la identi-dá de clase y de la construcción del movimientu obreru, yá que nun trabayar a costafecha nun yera otro que llibertá a la de controlar el cuerpu y coles mesmes, una ferramienta pal afitamientu del po-der obreru.
Con too y con eso, hai que reparar que l’éxitu d’esa manifestación en bien de países de la Europa occidental foi lo qu’afaló a la repetición de la manifestación y tampoco nun hai qu’escaecer que tala participación pública masiva casó nel tiempu col espertar, crecimientu y espardimientu del movimientu obreru. Momentos d’anovación y esperanza que casaben cola celebración de la prima-vera, estación d’anovación y esperanza.
Ello ye qu’alpenes un par d’años depués la Internacional alcuerda nun congresu celebráu en Bruxeles afitar la repetición añal del 1u Mayu, sorrayando que s’axuntare al oxetu reivindicativu la idea de fiesta y qu’en xunto cola propuesta de la xornada d’ocho hores diben amestase otres reivin-dicaciones más (casu del funcionamientu de lleis llaborales o la oposición a la guerra conseña que nun llegó integrase dafechu na traditio). Entóncenes va producise l’enfrentamientu colos anarquis-tes, que van refugar el conceptu de fiesta obrera por mor de causes ideolóxiques; ficieron por facer del 1u Mayu una conmemoración de los Mártires de Chicago y data dende la que facer el llamáu (o emprimar) la güelga xeneral. A éses, a naide se-y escapa la posibilidá de que los dirixentes de la II Internacional afalaran a la treformación del 1u Mayu en fiesta col envís de nun apoyar les táctiques d’enfrentamientu social y en ficies d’enanchar la so base social. Sía que non, 1891 ye’l momentu d’empiezu pa la construcción del ritual, qu’al cantu y al cabu ye lo más importante en cuantes qu’implica la esistencia d’un mecanismu de construcción d’un movimientu qu’enxertaba dientro de la noción de clase a persones d’estremada edá y sexu.
La construcción d’un ritual
El 1u Mayu nun ye un ritu de pasu, ye un ritual. Abúltame necesario nun reproducir enqui-vocos terminolóxicos a la definir el 1u Mayu. Ello ye que nun pue ser enxertáu nos ritos de pasu nin al través del emplegu del conceptu propuestu por Arnold Van Gennep (onde los ritos de pasu nun son sinón ritos vitales de gran trescendencia social qu’espeyen los tránsitos ente distintes dómines de la vida), nin al encruz de conceptualizaciones d’autores como Marvin Harris que podríen face-mos pensar nel 1u Mayu de la que mentan que los ritos de pasu tienen implicaciones públiques en cuantes que reconocimientu comunitariu de nueves (o remocicaes) rellaciones per aciu del desenro-llu d’actividaes físiques y simbóliques onde los actores que participen van ser separtaos de les ruti-nes respectives.
Con too y con ello, el 1u Mayu ye un ritual formuláu en base a un marcu de referencia que nun ye sinón el de la clase (o nun sentíu más ampliu, el del proletariáu). Ritual onde coexisten rella-ciones actives, militantes y de pertenencia al grupu, onde toos van tener del protagonismu, onde la organización del ritual tien na so base la dimensión grupal, los espacios de sociabilidá y les redes d’afinidá formales y informales, onde les práctiques inventaes van tener el so papel al traviés d’elementos como la naturaleza de los valores, los derechos y les obligaciones de la pertenencia al grupu; y onde va producise una separtación no tocante al espaciu (bien xeográficu bien simbólicu) y no que fae al tiempu ordinariu. Pa detrás, el ritual algama l’éxitu en creando efectos de xuntura, fa-ciendo usu de les redes sociales como base de la organización (lo que va ser imprescindible pa que’l roceanu al eventu pueda vese presionáu socialmente), desque trescala’l tiempu onde ún vive somor-guiáu, dende la institucionalización del conxuntu de fenómenos enxertaos nelli y por facer creer a quien participen nél que s’alcuentren dientro de los márxenes de lo real.
Ello esplícanos que la busca de particularidaes nacionales sía, como ye vezu, dalgo fato. Se-gún reparemos nun 1u Mayu celebráu en Valencia, Asturies o Berlín, vamos ver cómo atopamos más semeyances que diferencies (que les más de les veces respuenden al predominiu de dalguna de les cañes del movimientu obreru). L’esquema repítese una y otra vuelta: el desfile de los obreros como clase dio en ser el nucleu del ritual (masque les manifestaciones gayoleres del 1u Mayu nun s’asemeyaben pa nada a les clásiques manifestaciones obreres); conseñes, reivindiciones, discursos, y los socialistes llevando hasta la respectiva Casa del Conceyu un llistáu con piticiones y propues-tes; de tarde, les xires y les concentraciones nel extrarradiu de los nucleos de población perfacíen el momentu más masivu del día en cuantes que yá nun yeren les decenes o cientos de miembros del movimientu los de participar n’esclusiva sinón qu’intervenía’l conxuntu de la clase con, sí, muncha sidra, comida, música y folixa, pero ensin desdexar l’amuesa d’arguyu pol so autodominiu y pola so capacidá de llucha y unión al encruz de la organización; y p’acabar, al atapecer, velades lliterario-musicales nos respectivos centros obreros.
Un ritual que facía por ocupar espacios que la cotidianiedá negaba a los trabayadores (El Comercio a primeros del sieglu XX conseñaba cásique escandalizáu’l pasu de los obreros por un espaciu prototípicamente burgués como la cai Corrida), anque namás fuere por un día y non siem-pre, cuidao que demientres bien d’años n’estaos como’l Reinu d’España los gobiernos obligaron a desenvolver actos como mítinos o velaes n’espacios zarraos. Pero’l ritual algamó l’éxitu al llograr visibilidá pa quien yeren invisibles en cuantes qu’una montonera d’obreros anónimos, desdexando llendes nacionales o profesionales, foron quien a reconocese na mesma clase al encruz d’un fechu señaláu como yera abandonar una vuelta al añu ensin permisu dalu la obligación económica, políti-ca y moral de trabayar. Una vuelta al añu teníen (a lo menos, ellos) el control del so cuerpu.
Sicasí, non menos secundariu ye pa la construcción del ritual el desenvolvimientu d’un conxuntu d’elementos venceyaos a elli n’esclusiva. Coles mesmes, desenvolvióse tou un llinguaxe simbólicu y icoográficu onde rescamplen elementos venceyaos a la primavera y a la mocedá: por casu, nel 1915 les moces de l’agrupación socialista de Mieres vendíen claveles coloraos a los asis-tentes a la manifestación, dalgo qu’al empar producíase en tantos de sitios del mundu; les agrupa-ciones obreres preparaben con ciñu ediciones especiales de los sos periódicos (y si nel periódicu xixonés Fraternidad incluyíense fotos y testos de los Mártires de Chicago nel 1901, na edición del socialista La Aurora Social reproducíense collaboraciones de profesores universitarios como Buy-lla, Posada o Clarín); y surdió una producción artística centrada nos motivos del 1u Mayu (casu de los himnos, que como’l del zapateru asturianista Manuel Paredes ficiéronse arrémente pa celebrar día tan señaláu).
Y dio en símbolu
L’ésitu na construcción del ritual fae que nun llame que’l 1u Mayu diera en ser un símbolu pural que col correr de los años va ser atacáu pero tamién codiciáu dende estremaos gobiernos y dende un mesmu poder. El fechu de que’l 1u Mayu nun fuere sinón una autopresentación regular y pública d’una clase mesmo qu’un afitamientu de poder y una conquista simbólica na so ocupación del espa-ciu social del Sistema esplícanos talo.
Asina les coses, el 1u Mayu foi prohibíu na Italia de Mussolini, na Austria de Dollfus, nel Xapón imperial y nos empiezos del franquismu (anque la represión nel Reinu d’España ha retrotra-yese a los tiempos de la Restauración). Pero rexímenes como’l de Vich en Francia, el de Hitler n’Alemania (que nel 1933 declarábalu Xornada Nacional del Trabayu) o gobiernos como’l del anti-comunista Eisenhower (que nel 1958 declara esti día como Día de la Llealtá Nacional) o la intro-ducción pol Vaticanu de la festividá de San Xosé Obreru nel calendariu católicu nel 1955, siendo Papa Pío XII (y darréu d’ello, lo mesmo va facer l’estáu franquista) ficieron per apropiase d’esti día. Too ello fala a les clares de la fuerza y potencial del 1u Mayu.
Sicasí, el que’l 1u Mayu diera en símbolu, onde la fiesta yera l’aspectu más señaláu (en sitios como Madrid les families diben directamente a la Casa de Campo ensin participar nes actividaes del día) y onde la ideoloxía va ocupar más espaciu que la llucha material, espliquen en della midida’l declive progresivu del ritual. Anguaño nun sitiu como Asturies tan siquier ye una fiesta de la clase obrera, sinón una fiesta gubernamental nuna dómina onde vuelven al primer planu del trabayu les xornaes llaborales abusives (por nun mentar la rente que tuvo trabayando esi día) y onde la izquier-da tan siquier ye a axuntar a los sos fieles y nun tien intención nenguna d’abandonar fiesta y ideolo-xía (representada pola ambigüedá de los derechos y polos símbolos vacios). El 1u Mayu namás va ser lo que foi si la llucha material pol control del cuerpu vuelve a ocupar el primer planu de les nuestres práctiques.
Suscribirse a:
Entradas (Atom)